Trendet e çantave vjeshtë – dimër

Stinori i ftohtë 2013/2014 nuk do të sjell kufizime sa i përket madhësisë apo formës. Do të ketë çanta të llojllojshme, në të gjitha madhësitë, format dhe dizajnet.

Xhavit Novolani,
Dizajner
/lifestylenews/

Dizajni
▪ Modeli më i popullarizuar: Çanta e udhëtimit, nga modelet shumë të vogla, deri te mëdhatë.
▪ Çantat e krahut dhe çantat “thes”, me dizajne asimetrike dhe absolutisht minimaliste.
▪ Do të vazhdojnë të jenë në trend edhe më tutje “çantat e dorës”, që mund të kenë dhe një rrip të shkurtër që të mbahen sa më lehtë.
▪ Dizajni, forma dhe detajet origjinale janë në trend: do të hasim forma të ndryshme deri te çantat nga plastika.
▪ Çantat në forma të pazakonta, që në shikim të parë nuk duken fare që janë çanta.

Materiali
Materiali më relevantë në stinor do të jetë leshi dhe puplat. Metali gjithashtu përfshihet në listën e materialeve, që është përdorur si bazë për dekorim.
Materialet tjera që do përdoren: lëkura e të gjitha llojeve e sidomos e zvarranikeve, kamoshi, kadifeja, pëlhura, druri e plastika. Gjithashtu do të shohim dhe tekstura të kombinuara.

Ngjyra
– Ngjyrat e pazakonshme të zvarranikëve dhe leshit
– Kombinimet me ngjyra kontraste
– Ngjyrat pastel: smerald, mustardë, e verdhë, ‘pink’, çokollatë si dhe hijezimet e ngjyrave kaltër, gri.
– Metalike, në hije të ndryshme

Printi dhe dekori
– Printimet aktuale: me motive kafshësh, luleve, grafike dhe gjeometrike.
– Dekori do të jetë minimalist: qëndisja, flokët, pajisje metalike dhe figura. /Telegrafi/