“Trepça” mbledhë në takim urgjent serbët e veriut

Për shkak se Projektligji  për Trepçën do të hidhet sot në votim në Kuvend  është paralajmëruar mbajtja e një takimi urgjent  të përbashkët të përfaqësuesve të katër komunave me shumicë serbe në veri të Kosovës.

Mbledhja do të fillojë në orën 10:00 në komunën e Zveçanit dhe në rendin e ditës do të jetë vetëm një pikë – situata politike dhe e sigurisë, dhe arsyeja është miratimi i projektligjit  për Trepçën nga ana e Qeverisë së Kosovës.

Përfaqësuesit e qeverisë serbe, serbët e Kosovës dhe menaxhmenti serbë i Trepçës në veri të Kosovës besojnë se projektligji për gjigantin metalurgjik, 80 për qind të aksioneve të Trepçës i  lë në kompetencë të Qeverisë së Kosovës.

Për shkak të këtij projektligji punëtorët serbë të kombinatit për dy ditë kanë bllokuar rrugën kryesore Rashkë-Prishtinë, në Rudarë afër Zveçanit.

Në të njëjtin vend sot në mesditë pritet të mbahet protestë e njëjtë e cila do t`i bëjë bashkë qytetarët nga katër komunat me shumicë serbe në veri të vendit, raportojnë mediat serbe, përcjellë Klan Kosova.