Pazaret me tenderët nuk kanë të ndalur në Kosovë. Ky marifet erdhi në shprehje edhe me tenderin për “Zgjerimin e Rrugës M2 – Milloshevë-Segmenti: Milloshevë-Vushtrri (sektori: Milloshevë-Lum i Madh), Lot1, Lot2 dhe Lot3“, për të cilin të hënën Ministria e Infrastrukturës ka shpallur fituesit. Edhe pse kusht për të fituar këtë tender ka qenë çmimi më i ulët, Ministria e Infrastrukturës që drejtohet nga Fehmi Mujota ka vendosur që fitues t’i shpallë disa kompani, që kanë ofruar çmimin mesatar.
Burime të sigurta të gazetës Zëri kanë konfirmuar në kushte anonimiteti (emri i të cilit është i njohur për redaksinë) se ky tender është shoqëruar me tentativa për mitmarrje, por më në fund janë arritur marrëveshjet dhe për këtë paraprakisht janë ditur fituesit.
“Tenderët janë fituar nga ana që kanë dhënë ryshfetin më të madh”, ka thënë ky burim, i cili qysh tre ditë më parë i ka konfirmuar gazetës “Zëri” se paraprakisht dihen fituesit dhe çështja e këtij tenderi është muhabet i kryer.
I njëjti ka sqaruar se për këtë projekt, gjegjësisht Lotin 1 fitues është shpallur konsorciumi i kompanive nga Shqipëria "Pevlaku & Gjoka Konstruksion" të cilat kanë ofruar çmimin prej 2.263.938,45 euro, edhe pse ai ka theksuar se në këtë pjesë kanë qenë gjashtë kompani të tjera më të lira dhe dallimi në shumën e parave ka qenë jo më i vogël se afro gjysmë milioni euro.
“Për këtë pjesë kanë qenë 6 kompani që kanë ofruar çmimin më të ulët, sikurse kompania ‘Integral $ Millenium’ që ka ofruar 1,807,617.30 euro, pastaj ‘Rukolli & Bageri’ në vlerë prej 1,880,670.61 euro, ‘Alko-Impex’ 1,977,777.03 euro….etj”, ka thënë ai.
Po i njëjti burim ka konfirmuar se në Lotin 2 është shpallur fitues Kompania “Beni- Com” nga Prishtina me çmim prej 4.869.943,01 euro, ndërkohë që, sipas tij, edhe këtu janë tri kompani që kanë ofruar çmimin më të lirë dhe dallimi në çmim sillet hiç më pak se gati gjysmë milioni euro.
“Edhe këtu kanë qenë disa oferta të kompanive që kanë ofruar çmimin më të ulët, sikurse ‘Alko-Impex’ që ka ofruar 4,403,094.67 euro, pastaj ‘Sallahu’ 4,483,739.74 euro, ‘Integral & Millenium’ 4,516,727.04 euro”, ka bërë të ditur ai.
I njëjti ka konfirmuar se në Lotin 3 është shpallur fitues Konsorciumi i Kompanive "Rukolli" nga Skenderaj dhe Kompanisë "Bageri" nga Ferizaj, të cilat kanë ofruar çmimin prej 3.825.397,61 euro. “Edhe në këtë pjesë kanë qenë dy kompani të tjera që kanë ofruar çmimin më të lirë për afro 300 mijë euro”, ka thënë ai.
Për Lotin 3, kompanitë që kanë ofruar çmimin më të ulët kanë qenë “Alko-Impex” në shumë prej 3,538,988.93 eurosh dhe “Integral & Millenium” në vlerë prej 3,799,033.20 eurosh. Sipas një përllogaritje, ka thënë ai, del se Ministria e Infrastrukturës me këtë rast ka dëmtuar Buxhetin e Kosovës hiç më pak se rreth 1 milion e 300 mijë euro.
Ky burim, ndërkaq thotë se kanë qenë pikërisht pazarllëqet e bëra që kanë çuar edhe deri të vonesa e shpalljes së fituesit të tenderit. “Tenderi është hapur më 16.04.2013 dhe sipas ligjit të prokurimit brenda 30 ditëve duhet të shpallet, vetëm në raste të jashtëzakonshme mund të shtyhet edhe për 10 ditë, gjë që në këtë rast edhe ka bërë një shkelje tjetër”, ka thënë ai.
Në anën tjetër, shefi i Zyrës së Prokurimit në Ministrinë e Infrastrukturës, Nexhat Krasniqi, ka sqaruar se Komisionet për vlerësimin e ofertave kanë shpallur fitues kompanitë e përgjegjshme që kanë plotësuar kërkesat minimale në përputhje me kapacitetet teknike, profesionale dhe financiare të përcaktuara në njoftimin për kontratë.
“Për secilin nga lotet është shpërblyer kompania më e lirë e përgjegjshme sipas kushteve dhe kritereve të dosjes së tenderit dhe njoftimit për kontratë. Por kompanitë të cilat janë shpallur të papërgjegjshme janë njoftuar me shkrim saktësisht mbi arsyet e eliminimit, dhe të njëjtat kanë mjetet juridike në dispozicion brenda afatit të përcaktuar me ligj”, ka thënë ai.
Sipas Krasniqit, për projektin “Zgjerimi i rrugës M2-Milloshevë-Segmenti Milloshevë-Vushtrri (sektori: Milloshevë-Lum i Madh), Lot 1, Lot 2 dhe Lot 3”, Autoriteti Kontraktues ka zhvilluar të gjitha procedurat e prokurimit në përputhje të plotë me Ligjin e Prokurimit Publik Nr. 04/L-042. Mirëpo, burimi i gazetës ka konfirmuar se vlera e madhe e tenderëve dhe parregullsitë që e kanë shoqëruar këtë proces të tenderimit për “Zgjerimin e Rrugës M2 – Milloshevë-Segmenti: Milloshevë-Vushtrri (sektori: Milloshevë-Lum i Madh), Lot1, Lot2 dhe Lot3“, kanë bërë që me këtë tender të merret edhe EULEX-i.
Sipas tij, ditën e premte edhe EULEX është informuar për parregullsitë dhe, siç pohoi ai, shumë shpejt pritet të nisin hetimet. Lidhur me këtë çështje, zëdhënësi i EULEX-it, Blerim Krasniqi, tha se “EULEX u kthen përgjigje vetëm palëve”.
Në anën tjetër, Avni Zogiani nga “Çohu”, thotë se nëse kushti ka qenë që duhet kompania me çmimin më të ulët, atëherë ka dyshime se ata që janë të përfshirë në përzgjedhjen e ofertuesve kanë pasur një motiv që mund të quhet korruptim./Telegrafi/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre