0Shares

Ndonëse e paraparë që protagonistja kryesore në “skandalin e pasaportave”, Natali Velijaj, të merret në pyetje sot nga prokurorët, kjo nuk ka ndodhur, edhe pse këta të fundit vetë e patën caktuar këtë datë për marrjen në pyetje të saj.

Avokati i saj, Tomë Gashi, i ka thënë RTK-së se Prokuroria e EULEX-it është arsyetuar se marrja në pyetje e saj nuk mund të ndodh sot për shkaqe teknike.

Gashi nuk i beson shumë këtij arsyetimi, por shtyrjen e marrjes në pyetje e quan neglizhencë të Prokurorisë për ta penguar ndriçimin e të vërtetës, e cila, sipas tij, e dëmton imazhin e Kosovës.

“Kjo e vërteton një neglizhencë të paparë që prokurorët nuk duan që ta shpejtojnë këtë procedurë sa më shpejtë që është e mundshme dhe kjo sigurisht se krijon edhe pakënaqësi popullore, mirëpo edhe shtetit të Kosovës i jep një imazh relativisht të keq”, ka thënë Gashi. /Telegrafi/

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)