Në një nëndegë të Partisë Demokratike të Kosovës në Viti dhe një tjetër në Drenas - zgjedhjet janë mbajtur nga dy herë, nga grupe të ndryshme. Edhe në Viti janë regjistruar “përplasje karrigesh”.
Zgjedhjet në Partinë Demokratike të Kosovës (PDK) në pushtet janë kthyer në “makiato kuvende”, thotë një zyrtar i saj në Viti.
Selman Ymeri, ish-anëtar i Kryesisë dhe Këshillit të Degës së PDK-së në Viti, ishte zgjedhur kryetar i nëndegës nga fshati Sadovinë e Jerelive, më 23 nëntor.
Por, ato votime janë hedhur poshtë dhe janë riorganizuar dy ditë më vonë nga kryesia e degës e PDK-së. Në votimet e reja është përzgjedhur Labinot Shabani.
Ymeri akuzon kryetarin e degës, Daut Xhemajli, dhe anëtarin e kryesisë së saj, Xhevat Bislimi.
“…(Në PDK) nuk ka vend për shumë e shumë veprimtarë, në kryesitë e nëndegëve, pavarësisht se ata kanë fituar nëpër nëndegë me votë demokratike, të cilët nuk i pranojnë ‘rregullat e lojës’ të makiato-kuvendeve të ideuara dhe zbatuara nga Daut Xhemajli dhe Xhevat Bislimi”, akuzoi Ymeri, shkruan Gazeta JnK.
Në votimet e para, Ymeri kishte marrë pesë nga gjithsej shtatë votat e kryesisë së nëndegës. Në bazë të tyre, ai po ashtu do të merrte pjesë në kuvendin zgjedhor të degës së Vitisë pasi nëndega e Sadovinë e Jerelives do t’i dërgojë aty 2 përfaqësues – kryetarin dhe një delegat.
Mirëpo, sipas Daut Xhamajlit dhe Xhevat Bislimit takimi i nëndegës ishte rithirrur pasi i pari nuk ishte paralajmëruar në kryesinë e degës.
Xhemaili thotë se Selman Ymeri nuk është as anëtar i PDK-së ndonëse ka qenë dhe se kuvendi as “nuk e ka identifikuar anëtarësinë dhe as ka thirrur mbledhje pa konsultime me Kryesinë e Degës”.
Nga ana e tij, Bislimi thotë se “një tubim me qytetarë është i ndaluar edhe me ligj që të thirret si kuvend i PDK-së”.
Por Ymeri thotë se e kishte paguar anëtarësinë në parti dhe se me qëllim nuk i ishte dhënë libreza. Shton se kishte qenë edhe anëtar i Kryesisë së PDK-së deri më 2002. Ai thotë se njoftimi me shkrim ishte bërë për mbajtjen e votimeve, se ato ishin kryer përmes votimit të fshehtë dhe se të gjithë delegatët e kuvendit ishin nënshkruar në listën zgjedhore.
Ai i quan Xhemajlin e Bislimin “privatizues të Partisë Demokratike të Kosovës në Viti”. Sipas tij, ata të dy ka kohë të gjatë që nuk e kanë këtë dhe nëndegë të tjera të PDK-së.
“Kryesia qendrore e PDK-së do të duhej që në kohën e paraparë për agjendën e zgjedhjeve partiake nëpër degët e PDK-së, në mënyrë urgjente apo në kohën më të shpejtë të mundshme, një pjesë të kohës t`ia kushtojë ecurive zgjedhore në degën e PDK-së, në Viti, në mënyrë shumë më serioze dhe më përmbajtjesore”, thotë Ymeri.
Selman Ymeri po ashtu thotë se parregullsitë janë duke u shtrirë edhe në sesionet tjera të PDK-së në Viti.
Ai tha se në zgjedhjet e nëndegës së Kabashit, më 4 dhjetor, ka pasur rrahje.
Por anëtari i Kryesisë së PDK-së në Viti, Xhevat Bislimi, thotë se ka qenë në këto votime dhe se aty “ka pasur vetëm përplasje karrigesh”.
“Pasi është qetësuar gjendja, votimet kanë vazhduar”, tha Bislimi.
Zëdhënësi i policisë për rajonin e Gjilanit, Ismet Kabashi, konfirmoi për Gazetën Jeta në Kosovë se të martën ka ndodhur një incident në një tubim politik të mbajtur në fshatin Kabash, në orët e pasdites. "Policia është duke u marrë me rastin", tha ai. /Telegrafi/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën