LAJMI I FUNDIT:

Ymeri thërret për bllok opozitar

Ymeri thërret për bllok opozitar

Shefit i Grupit Parlamentar të Lëvizjes Vetëvendosje, Visar Ymeri, ka deklaruar se kjo lëvizje nuk llogarit shumë në AAK-në për krijimin e bllokut opozitar, po ashtu Ymeri ka bërë me dije se VV nuk ka pasur pajtueshmëri edhe me LDK-në për krijimin e një blloku opozitar.

Visar Ymeri, shef i Grupit Parlamentar i Lëvizjes Vetëvendosje!, ka folur në detaje për tri takimet në mes të liderit të kësaj lëvizje, Albin Kurti dhe kryetarit të LDK-së, Isa Mustafa.

Në këtë intervistë për “Epokën e re”, Ymeri ka deklaruar se këto takime kanë pasur për qëllim arritjen e një pajtueshmërie në mes të Lëvizjes Vetëvendosje dhe LDK-së për krijimin e një blloku opozitar në mënyrë që t’i jepet fund Qeverisë aktuale.

“Konsiderojmë se dëmet që vijnë nga kjo qeverisje në rrafshin politik nëpërmjet negociatave me Serbinë, në rrafshin ekonomik nëpërmjet privatizimit të çdo gjëje publike dhe vjedhjes e keqmenaxhimit të pasurisë dhe parasë publike, në sferën e demokracisë nëpërmjet shantazhit dhe uzurpimit politik, si dhe në rrafshin e llogaridhënies nëpërmjet korrupsionit e skandaleve të shumta zhvatëse të qeveritarëve, mund të ndalen vetëm me ndaljen e kësaj qeverie”, ka deklaruar Ymeri.

Në këtë kontekst, Ymeri ka bërë me dije se në cilat pika nuk ka pasur pajtueshmëri në Lëvizjen Vetëvendosje! dhe LDK-në për krijimin e një blloku opozitar. “Në këtë drejtim nuk kemi hasur pajtueshmëri për të gjitha pikat e propozuara nga ne, prej të cilave kryesoret ishin angazhimi kundër dialogut me Serbinë dhe marrëveshjes që ky dialog pritet ta prodhojë dhe drejt ndërprerjes së mandatit të Qeverisë për zgjedhje të reja”, është shprehur Ymeri.

Sipas shefit të Grupit Parlamentar të Lëvizjes Vetëvendosje!, kjo lëvizje nuk llogarit shumë në AAK-në për krijimin e bllokut opozitar.

“Ne e kemi pasur një takim të mëhershëm me kryetarin e AAK-së, Ramush Haradinaj, në të cilin e kemi kuptuar se qëndrimi i tij politik është shumë më afër atij të Qeverisë e Thaçit sesa të një force opozitare”, ka thënë Ymeri. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori