Drejtor Ekzekutiv i Institutit ATOMI, Jusuf Thaçi iu ka tërhequr vëmendjen krerëve shtetëror, ministrave dhe kryetarëve të subjekteve politike në vend se instituti ATOMI që merret me identifikimin dhe përkrahjen e fëmijëve dhe të rinjve me potencial të jashtëzakonshëm intelektual në Kosovë brenda ditësh do të detyrohet ta shuaj aktivitetin e vet si rezultat i mospërkrahjes financiare nga institucionet shtetërore të Republikës së Kosovës të të gjitha niveleve.
Letër Publike nga ATOMI
“Drejtuar të gjithë udhëheqësve të institucioneve shtetërore dhe të gjithë udhëheqësve të subjekteve politike në Kosovë:
Presidentit, z. Hashim Thaçi, Kryeparlamentarit, z. Kadri Veseli,
Kryeministrit, z. Isa Mustafa,
Zëvendëskryeministrit, z. Hajredin Kuçi,
Ministrit të Arsimit, z. Arsim Bajrami,
Kryetarëve të subjekteve politike parlamentare e jo-parlamentare,
Kryetarëve të komunave,
Ashtu si e kaluara, edhe e ardhmja shkruhet tash. Veç për dallim nga e kaluar që nuk mund të ndryshohet, e ardhmja varet nga të gjithë ne, nga vizioni dhe vullneti ynë. Kush ka vizion e vullnet për të përgatitur tash një të ardhme të mirë për Kosovën, duhet ta kuptojë një orë e më parë që nuk është Trepça, KEK-u e Feronikeli mundësia e burimi më i mirë e më racional për zhvillimin e mirëqenien e vendit dhe shoqërisë sonë.
Në një botë që transformohet brenda ditës, gjithë zhvillimi e mirëqenia varet nga inteligjenca, ideja, kreativiteti, inovacioni, dija, shkenca dhe teknologjia. Kosova është pjesë e kësaj bote!
Andaj, mundësia e burimi më i mirë e më racional për zhvillimin e mirëqenien e vendit dhe shoqërisë sonë është kapitali njerëzor, ajka e të cilit janë fëmijët dhe të rinjtë me potencial të jashtëzakonshëm intelektual në Kosovë.
Deri më tani, qe pesë vite tashmë, vetëm ATOMI merret me identifikimin dhe përkrahjen e fëmijëve dhe të rinjve me potencial të jashtëzakonshëm intelektual në Kosovë. Megjithëse i ballafaquar me kufizime të mëdha financiare, infrastrukturore e profesionale, prapëseprapë ATOMI, si organizatë, dhe atomistët e përzgjedhur e të përkrahur nga ATOMI, si individë, kanë arritur rezultate e suksese të jashtëzakonshme e kulmore në nivel vendor e ndërkombëtar, të cilat besoj i keni parë në mediat tona.
Pavarësisht rëndësisë dhe vlerës së jashtëzakonshme të këtyre fëmijëve dhe të rinjve me potencial të jashtëzakonshëm intelektual për të ardhmen e Kosovës dhe rëndësisë së ekzistimit të organizatave të tilla si ATOMI që i përkrahë këta persona në Kosovë, ATOMI brenda ditësh do të detyrohet ta shuaj aktivitetin e vet si rezultat i mospërkrahjes financiare nga institucionet shtetërore të Republikës së Kosovës të të gjitha niveleve.
Shumë nga këta fëmijë dhe të rinj me potencial të jashtëzakonshëm intelektual në Kosovë do të shuhen të parealizuar, megjithëse shumë nga ta do të mund të ishin lokomotiva e zhvillimit dhe nderi e krenaria e vendit. Pak nga ta edhe do të jenë të tillë, por është detyrë e jona si profesionistë të fushës dhe detyrë e juaj si udhëheqës shtetërorë e politikë që të ofrojmë gjithçka që duhet që të gjithë këta fëmijë e të rinj të Kosovës me potencial të jashtëzakonshëm intelektual të kenë mundësitë e duhura për t’u zhvilluar dhe pastaj për t’i kontribuuar zhvillimit të shoqërisë sonë dhe shoqërisë njerëzore në përgjithësi.
Andaj, përmes kësaj letre publike, u bëj thirrje të gjithë udhëheqësve të institucioneve shtetërore të të gjitha niveleve në Kosovë dhe të gjithë udhëheqësve të subjekteve politike parlamentare e jo-parlamentare në Kosovë që të ta përkrahin Institutin ATOMI në të gjitha format, në mënyrë që fëmijët dhe të rinjtë e Kosovës me potencial të jashtëzakonshëm intelektual të mos mbeten pa adresë për përkrahje.
Fëmijët dhe të rinjtë me potencial të jashtëzakonshëm intelektual në Kosovë janë amaneti i historisë dhe amaneti i të ardhmes. Po i injoruat siç keni bërë deri më tani, do ta keni mallkimin e të dyjave!”. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti: Anëtarësimi në KiE, hapi i parë drejt bashkimit me familjen evropiane
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre