|
Presidenti i Shqipërisë, Bujar Nishani, në vijim të vizitës zyrtare në Izrael, u prit sot nga kryeministri izraelit, Benjamin Netanyahu.
|
Katër persona janë ndaluar nga Policia e Tiranës, gjatë një proteste në mbështetje të protestuesve në Turqi.
Lëvizja Socialiste për Integrim (LSI), ka akuzuar Qeverinë se po tenton të manipulojë zgjedhjet e 23 qershorit. Në një konferencë për shtyp, nënkryetari i LSI-së Ylli Manjani e ka cilësuar si antiligjor vendimin e KQZ për moszbatimin e verifikimit elektronik të kartave të identitetit në Tiranë, duke e akuzuar këtë institucion, jo vetëm të bërë tërësisht palë të pushtetit, por edhe për shkatërrim të zgjedhjeve.
Kreu i Frymës së Re Demokratike (FRD), Bamir Topi zhvilloi një takim elektoral në Bushat, Velipojë dhe Postribë. Topi tha se FRD do të marrë një mandat në qarkun e Shkodrës pasi Partia Demokratike ka tradhtuar kauzën e saj.
Kryeministri Sali Berisha ka inauguruar rrugën Miras-Bilisht në qarkun e Korçës. Ai premtoi mbështetje të plotë për fermerët, duke kërkuar prej tyre të votojnë për të mbrojtur prodhimin dhe djersën e tyre.
|
|
|
Maqedonia është një burim trafiku, vend transit dhe destinacion për trafikimin e qenieve njerëzore, thekson Raporti i Departamentit amerikan të Shtetit për 2013. Maqedonia është vend burimi, tranziti dhe destinacioni për burra, gra, dhe fëmijë që i nënshtrohen trafikimit seksual dhe punës së detyruar. Gratë maqedonase dhe vajzat janë të nënshtruar për trafikim seksual dhe punës së detyruar brenda vendit në bare, klubet e natës, dhe në lypje në rrugë. Fëmijët, kryesisht romët etnik, janë të detyruar për të lypur.
|
Ka filluar prej sot testimi psikologjik i arsimtarëve aktualë dhe i kandidatëve që kanë vendosur të ushtrojnë këtë profesion. Testimi është obligim ligjor që buron nga Ligji për Arsim Fillor dhe të Mesëm, i cili ka hyrë këto ditë në fuqi, pas ndryshimeve të bëra me iniciativë të Ministrisë së Arsimit dhe Shkencës.
Zëvendëskryeministri i Maqedonisë për çështjet evropiane, Fatmir Besimi realizoi një takim protokollar me Ambasadorin e Republikës së Kroacisë në Maqedoni, Zlatko Kramaric.
Maqedonia prej sot do të përfshihet me temperatura të cilat e definojnë fazën e verdhë, përkatësisht fazën alerte. Sipas paralajmërimit nga Drejtoria për Punë Hidrometeorologjike sot dhe nesër do të jetë me diell dhe shumë nxehtë me temperaturë deri në 38 gradë Celsius dhe indeksi UV 9.
Qytetarët e Maqedonisë nuk janë në listën e Bashkimit Evropian ku bëjnë pjesë vendet kërcënuese me fluks të madh të azilkërkuesve.
|
